(heb. 21)
2 Aotrou, en da c’halloud e laouenna ar roue,
Pebez levenez a ro dezañ da drec’h !
3 C’hoant e galon az-peus roet dezañ,
C’hoant e vuzellou n’az-peus ket dinahet.
4 En araog e roez dezañ bennoziou a eurvad,
Lakaad a rez war e benn eur gurunenn aour.
5 Ar vuhez a c’houlenne diganez ’peus roet dezañ,
Deiziou ha deiziou da virviken.
6 Gand da zilvidigez, emañ braz-meurbed e c’hloar ;
Splannder ha sked ’peus lakeet warnañ !
7 Lakeet ’peus warnañ bennoziou da viken,
Dirag da zremm e roez dezañ levenez.
8 Ya, fiziañs e-neus ar roue en Aotrou,
Divrall e chom gand karantez an Uhel-meurbed.
14 War-zao, Aotrou, en da nerz,
Ma kanim ha ma veulim da c’halloud !
Attention, vous utilisez un navigateur peu sûr !