Goude maro Jezuz e oa,19 d’an deiz kenta euz ar zizun, diouz an abardaez. Prennet e oa bet gand an diskibien doriou an ti ma oant ennañ, gand aon rag ar Juzevien.
Dond a reas Jezuz, hag e oa aze en e-zav en o-zouez.
Lavared a reas dezo :
— « Ar peoh ra vezo ganeoh ! »
20 Goude ar homzou-ze, e tiskouezas dezo e zaouarn hag e gostez. O weled an Aotrou, e oe laouen-braz an diskibien.
21 A-nevez, e lavaras Jezuz dezo :
— « Ar peoh ra vezo ganeoh ! Evel m’e-neus va Zad kaset ahanon, e kasan-me ahanoh d’am zro ».
22 Distaget gantañ ar homzou-ze, e c’hwezas warno, hag e lavaras :
— « Resevit ar Spered-Santel. 23 Ar re ho-po pardonet o fehejou dezo, e vint pardonet dezo ; hag ar re ho-po dalhet o fehejou outo, e vint dalhet ».
25 En amzer-ze, e kichenn kroaz Jezuz, e oa e vamm, ha c’hoar e vamm, Mari, gwrég Kleofaz, ha Mari-Madalen.
26 O weled e vamm, hag en he hichenn an diskib karet gantañ, e lavaras Jezuz dezi :
— « Maouez, setu amañ da vab ».
27 Goude-ze, e lavaras d’an diskib :
— « Setu amañ da vamm ».
Hag diwar an eur-ze, e kemeras an diskib anezi en e di.
28 Goude-ze, o houzoud e oa kaset peb tra da benn, hag evid ma teufe da wir ar Skritur, e lavaras Jezuz :
— « Sehed am-eus ».
29 Bez’ e oa eno eur pod leun a winègr. Lakeet e oe e penn eur gorzenn hizop eun tamm spoue, karget a winègr, ha tosteet ouz genou Jezuz. 30 Kemeret gantañ ar gwinègr, e lavaras Jezuz :
— « Peurhreet eo pép tra ».
Hag o soubla e benn, e roas ar spered.
31 Bez’ e oa derhent ar Pask (da lavared eo : ar gwener). Arabad neuze e chomfe ar horvou ouz ar groaz da zeiz ar zabat, hag e oa ar zabat-se unan braz. Rag-se e houlennas ar Juzevien digand Pilat ma vefe torret dezo o diwesker, ha ma vefent lammet kuit.
32 Mond a reas ar zoudarded da derri o diwesker d’an hini kenta ha goude-ze d’an eil, euz an daou a oa bet staget ouz ar groaz war eun dro gand Jezuz. 33 Digouezet dirag Jezuz, o weled e oa dija maro, ne oe ket torret e ziwesker dezañ, 34 med toulla a reas unan euz ar zoudarded e gostez da Jezuz, gand e hoaf ; ha raktal e teuas anezañ gwad ha dour.
28 Staga a reas Pèr da lavared da Jezuz :
— « Ahanta ! Dilizet on-eus-ni pep tra, hag on-eus heuliet ahanout ».
29 Respont a reas Jezuz dezo :
— « E gwirionez e lavaran deoh : n’eus dén e-béd, kuiteet gantañ eun ti, breudeur, c’hoarezed, tad, mamm, bugale, pe barkeier, abalamour din ha d’ar Helou Mad, 30 ha ne resevo ket kant kwech muioh dija er béd-mañ : tiez, breudeur, c’hoarezed, mamm, bugale, parkeier, gand heskinou ouspenn, hag er béd da zond, ar vuhez peurbaduz ».
31 « Kalz euz ar re genta a vo da ziweza, hag ar re ziweza a vo da genta ».
39 En amzer-ze, ez eas Mari buan en hent war-zu bro ar meneziou, d’eur gêr a Vro-Judea.
40 Mond a reas e-barz ti Zakarïaz, ha saludi Elizabed.
41 Kerkent ha ma klevas Elizabed salud Mari, e tridas he hrouadur en he hreiz, hag e oe karget Elizabed euz ar Spered-Santel. 42 Sevel a reas he mouez ha lavared :
— « Benniget out dreist an oll gwragez, ha benniget ar frouez euz da gorv. 43 Hag a beleh e teu din kement-mañ : Mamm va Aotrou o tond beteg ennon ? 44 Rag, kerkent ha m’he-deus da vouez skoet va diskouarn, e-neus va hrouadur tridet em hreiz gand al levenez. 45 Eüruz an hini he-deus kredet e vo sevenet ar homzou lavaret dezi a-berz an Aotrou Doue ».
46 Renta a reas Mari d’he zro gloar d’an Aotrou Doue, en eur lavared :
— « Kana a ra va ene meuleudi d’an Aotrou, 47 ha tridal a ra va spered e Doue va Zalver, 48 abalamour m’e-neus taolet e zellou war e zervichéréz dister.
« Diwar vremañ, e lavaro an oll dud, a rumm da rumm, ez on eüruz, 49 ken kaer eo ar burzudou e-neus greet evidon an Oll-Halloudeg, rag santel eo e ano.
50 « Skuilla a ra e vadèlèz, a rummad da rummad, war ar re a zouj dezañ.
51 « Diskouez a ra nerz e vreh, ha kas kuit an dud, lorh ganto en o halon.
52 « Diskar a ra ar rouaned diwar o zrôn, ha sevel uhel an dud izel.
53 « Rei a ra o gwalh d’ar re o-deus naon, ar re binvidig avad, e kas kuit hep netra.
54 « Rei a ra e skoazell da Izrael e vuia-karet, dre ma dalh soñj euz e vadèlèz ; 55 evel m’e-noa prometet d’on tadou-koz, e-keñver Abraham hag e lignez da viken ».
56 Chom a reas Mari neuze gand Elizabed war-dro tri miz, ha goude-ze e tistroas d’ar gêr.
17 Pa oa Jezuz o vond en hent, e tiredas eun dén evid dond d’e gaoud, hag o penndaoulina dirazañ, e houlennas outañ :
— « Mestr mad, petra a rañkan ober evid kaoud ar vuhez peurbaduz da hêrez ? »
18 Lavared a reas dezañ :
— « Perag e lavarez ez on mad ? Dén e-béd n’eo mad, nemed Doue hepkén ! 19 Anaoud a rez ar gourhemennou : Ne lazi ket, ne ri ket avoultriez, ne laeri ket, ne lavari ket falz-testeni, ne ri gaou ouz dén ; da dad, da vamm a enori.
20 Respont a reas an dén dezañ :
— « Mestr, kement-se am-eus miret abaoe va yaouankiz ».
21 Para a reas Jezuz neuze, e zaoulagad warnañ, ha kared anezañ. Lavared a reas dezañ :
— « Eun dra hepkén a vañk dit c’hoaz : kee, gwerz da oll vadou, ro anezo d’ar re baour, hag ez-po eun teñzor en Neñv. Ha neuze, deus d’am heul ».
22 Med o kleved kement-se, e teuas e benn da veza teñval, hag ez eas kuit, glaharet e galon, rag braz e oa e beadra.
28 Staga a reas Pèr da lavared da Jezuz :
— « Ahanta ! Dilezet on-eus-ni pep tra, hag on-eus heuliet ahanout ».
29 Respont a reas Jezuz dezo :
— « E gwirionez e lavaran deoh : n’eus dén e-béd, kuiteet gantañ eun ti, breudeur, c’hoarezed, tad, mamm, bugale, pe barkeier, abalamour din ha d’ar Helou Mad, 30 ha ne resevo ket kant kwech muioh dija er béd-mañ : tiez, breudeur, c’hoarezed, mamm, bugale, parkeier, gand heskinou ouspenn, hag er béd da zond, ar vuhez peurbaduz ».
46 Deuet e oa Jezuz hag e ziskibien e Jeriko. Ha d’ar mare ma oa Jezuz o vond kuit euz Jeriko gand e ziskibien hag e-leiz a dud ganto, e oa eun dén dall, Bartime, mab Time, azezet, war bord an hent, o houlenn aluzenn.
47 O veza klevet e oa Jezuz a Nazared o tremen, e stagas da youhal :
— « Jezuz, Mab da Zavid, bez truez ouzin ! »
48 Gourdrouzet e veze gand kalz a dud evid lakaad anezañ da jom peoh. Med youhal a ree gwasoh-gwaz :
— « Mab da Zavid, bez truez ouzin ! »
49 Chomet a-zav, e lavaras Jezuz :
— « Galvit anezañ da zond ».
Gervel a reer an dén dall en eur lavared dezañ :
— « Bez fiziañs. Sav ! Galvet out gantañ ».
50 Stlepel a reas an dén dall e vantell, hag en eul lamm ez eas da gaoud Jezuz.
51 Goulenn a reas Jezuz outañ :
— « Petra az-peus c’hoant e rafen evidout ? »
— « Rabbouni, emezañ, gra din gweled sklêr ! ».
52 Ha Jezuz dezañ :
— « Kee ! Gand da feiz out bet salvet ».
Raktal, e welas an dén sklêr en-dro, hag ez ee da heul Jezuz war an hent.
Goude ma oa deuet Jezuz e Jeruzalem, an dud en-dro dezañ, o veuli Doue a vouez kreñv, ez eas en Templ. 11 Goude beza greet eur zell war bep tra en-dro dezañ, o veza ma oa dija ar zerr-noz, ez eas ahano da Vetani gand an Daouzeg.
12 An deiz war-lerh, pa oant o vond kuit euz Betani, e teuas naon dezañ. 13 O weled euz a bell eur wezenn-fiez, deliou dezi, ez eas da weled ha kavoud a rafe enni eun dra bennag. Med o tostaad outi, ne gavas nemed deliou, rag ne oa ket mare ar fiez. 14 Neuze e lavaras d’ar wezenn-fiez :
— « Biken mui ne zebro dén euz da frouez ! ».
Hag e oa bet klevet gand an diskibien.
15 Digouezoud a rejont e Jeruzalem. Eet en Templ, e stagas Jezuz da gas er-mêz an dud a oa o werza hag ar re a oa o prena el leh-se. Teuler a reas d’an traoñ taoliou an eskemmerien-arhant ha kadoriou ar varhadourien goulmed ; 16 ha ne laoske dén e-béd da dreuzi an Templ sammet gand tra pe dra. 17 Kelenn a ree an dud o lavared :
— « Daoust ha ne lenner ket er Skrituriou : « Anvet e vo va zi : ti ar bedenn evid an oll boblou ? » C’hwi avad ho-peus greet anezañ eun toull laeron ».
18 Dond a reas ar Veleien-Vraz hag ar Skribed da houzoud kement-se, hag e klaskent an tu da gas anezañ d’ar maro, rag aon o-doa razañ, abalamour ma oa an oll dud estlammet gand e gelennadurez. 19 Deuet an abardaez-noz, ez eas Jezuz asamblez gand e ziskibien er-mêz euz kêr.
20 Antronoz vintin, en eur dremen, e weljont ar wezenn-fiez dizehet beteg he gwriziou. 21 Deuet da zoñj dezañ, e lavaras Pèr da Jezuz :
— « Rabbi ! Sell ta ! Seh-korn eo ar wezenn-fiez az-poa milliget ».
22 Respont a reas Jezuz dezo :
— « Ho-pet feiz e Doue. 23 E gwirionez, e lavaran deoh : ma lavar unan bennag d’ar menez-se : « Kerz kuit alese hag en em daol er mor », ma n’eus ket douetans en e galon, ha ma kréd e tigouezo ar péz a lavar, e c’hoarvezo kement-se.
24 « Abalamour da ze, e lavaran deoh : kement-tra a houlennit en ho pedennou, kredit ho-peus bet anezañ, hag e vo roet deoh.
25 « Ha pa vezit en ho-sav o pedi, m’ho-peus tra pe dra a-eneb unan bennag, pardonit dezañ, evid ma pardono deoh ive ho Tad a zo en Neñvou an droug ho-peus greet ».
(26)27 En amzer-ze, e teuas Jezuz en-dro asamblez gand e ziskibien da Jeruzalem. E keid ha ma oa Jezuz en Templ o tond hag o vond, e teuas ar Veleien-Vraz, ar Skribed ha Pennou-Braz ar bobl d’e gaoud. 28 Goulenn a rejont outañ :
— « Dre beseurt galloud e rez kement-se ? pe neuze : piou e-neus roet dit galloud da ober kement-se ? »
29 Respont a reas Jezuz dezo :
— « Ne rin nemed eur goulenn ouzoh. Respontit din, hag e lavarin deoh dre beseurt galloud e ran kement-se : 30 badeziant Yann, daoust hag euz an Neñv e teue, pe euz an dud ? Respontit din ».
31 Soñjal a reent enno o-unan : « Ma lavarom euz an Neñv, e responto : Perag ’ta n’ho-peus ket kredet ennañ ? 32 Med daoust hag e hellom lavared : gand an dud eo ez eo bet kaset ? »
Aon o-doa, rag an oll a grede e oa Yann eur profet evid gwir. 33 Neuze e respontont da Jezuz :
— « Ne ouezom ket ! »
Respont a ra Jezuz dezo :
— « Ahanta ! Me, kennebeud, ne lavarin ket deoh dre beseurt galloud e ran kement-se ».
Attention, vous utilisez un navigateur peu sûr !